Superman Film uluk tak a i lo en tawh a nih chuan enge Genesis Chamber chu a nih tih chu i hre tawh ngei ang! Superman ( Kal El ) pianna planet , Krypton ah hian Superman (Kal El, hei hi a hming tak a ni!) pian hma kha chuan naupiang an awm ngai lo va! Kum za tam tak chhunga nau piang tur zawng zawng chu pianchhuah tir lovin, he Genesis Chamber ah hian an dahkhawm a, an hmalam huna Krypton thar ( an chenna mek planet chu a chhe dawn si a) luahkhat tu tur a tih te an ni!

Nimahsela, an Scientist Jor El , Kal El hringtu pa chuan a rukina nupui chu a rai tir a, Superman chu a lo piang ta a ni! Krypton chu a chhe dawn hnai tih an hre tawh si a, buaina a chhuak ta , Jor El chuan Genesis Chamber a embryo ho zawng zawng chu la in, a fapa Kal El taksa ah chuan a chiu lut ta a, Spaceship ah a fapa chu dah in , Krypton puak darh mek a ta chu kan khawvel lam panin a rawn thawn chhuak ta a ni!

He ta ka Genesis Chamber ve thung hi chu ka thu leh hla, ka files pawimawh, ka hla ngainat, ka vei zawng engkim , thlalak hrang hrang , ka tan a rohlu tling tak tak te ka dahkhawmna a ni a! Krypton ang a ka nun a tawp huna mi ten kei min la hriat theih nan a ka buatsaih a ni !

Min lo ngaihhlut sak a, min lo tlawh fo turin ka sawm bawk a che! Ka lawm lutuk e!