Mihring piang tawh hlimna zawng lo, hlimna hi engah mah a ngai lo kan awm ang em le? 'A ni hi chu a sual bawk a, hlimna hi engah mah a ti lo!' tih tur an awm em? 'A neihah hian a lung a awi tawk a , hlim a mamawh ve lo!' tih tur kan awm em?

Chutiang mi ang a inchhal chu i tawng a nih paw'n han bel chiang la , a thil tih reng reng te chu hlim a duh avanga a tih vek a ni ang; hlimna mamawh lo ang in a inchhal mai mai a ni tih i hmu thei ang!

A ni reng a, he khawvel kil tin kil tang pawh hi zawng mah la hlimna mamawh lo kan awm lo a lo ni! Rilru lama rual ban chiah lo te pawh hian hlimna a ni an mamawh tho ni! A nihna takah chuan kan Pathian ropui pawh hian hlimna a duh vangin mihring te hi min siam ni ang te paw'n a rin theih awm e ( kan hriat phak erawh a ni lo va)!

Chuti tak a zawn nasat , a chang a kan hmuh chhuah , kan hloh leh vat mai thin hi engtin nge maw a neih reng theih ang le? Engtin nge kan hlim reng theih ang? tih hi zawhna pawimawh tak a ni reng a ni. Lal Isua ah hlimna a awm , Pathianah hlimna a awm tih hi a dik tak zet a, pawm tlak a ni.

Ama'rawhchu, chu Lal Isua a hlimna awm chu kan va neih reng theih dawn paw'n mihringte hian tih ve tur, chanvo pawimawh tak mai kan nei a! Chu thil chu 'Hnehna Puan' emaw, 'camping a luh' emaw lam a ni lem lo; heng te hi pawimawh tak vek tho chu an ni! Ama'rawhchu, kawng dang a sawi kan tum a ni. Chumi a tan chuan Kristian i nih kher a ngai lo va , mipa emaw hmeichhia i nih lam in kawng ro a su hek lo!

Kan Mathematics Lectuter pakhat chuan 'He zawhna awlsam deuh hi chawk ula, answer min hmuh ula khawvel a mi hlim ber in ni mai!' tih hi class a lak a piang hian a sawi liam puat zel a! A fiamthu tih erawh chu hre tho mah ila; kha question chawh thiam kha 'khawvel a mi hlim ber' nih theihna ni ta tak tak mai se, hlim lo fe fe kan va tam duh dawn ve aw!

'The secret of happiness' , 'the key to success' tih ang chi hi 'Lal Solomon-a lunghlu khur' ang maia hmuh theih loh rohlu ang hian tam tak chuan an ngai hian a hriat thin! Hmuh theih loh ni lo vin hmuh harsa zawk a lo ni!

Sum leh pai engzat mah in a lei zawh loh hlimna hi thiamna ang hian a zir a zir chuan neih theih dan a lo awm na meuh mai!

'Hakuna Matata' tih hi ka thuziak i chhiar thin a nih chuan ka uar hle tih i hre tawh ang a! 'Lungkham neih loh' hian hlimna kawng chu a chanve kan zawh nghal pawp a ni! 'Hakuna Matata - lungkham nei lo vin' kan tih hian khauphar thawven lam a kawk lo nasa tih erawh kan hriat kha!

Hlimna kawng chanve dang chu thil tih hmanga zawh chhunzawm tur a ni! I nun a thil lo thleng engpawh , hmachhawn ngam tur chuan i huaisen a ngai. Eng pawh lo thleng se, lo huphurh lo nghal em em mai la; 'kan lo hlap thal tawp a nge' tih rilru pu in lo hma chhawn tur a ni. Chutiang ang a lungkham neih loh chu a ni 'Hakuna Matata' hian a sawi tum chu! Chumi rilru lo insiam fel te chu hlimna kawng chanve chu a ni. A kawng chanve dang chu 'lo hlap thal tawp' chu a ni!

Engtik lai paw'n hlim tawh sa te'n thil an tih dan tur ni ang a i rin dan in thil ti la, i rilru ah i hlim a ni tih inhrilh la, i chetzia in lan tir bawk la, hlimna tak tak chuan a zui em em ang che!