Ka thinlai luahzotu leh lungdumtu chhingkhual 'D';
Sakhmel kan lo intawng a, in hmangaih tawn in;
Suihlungrual te a biahthu nem ten kan hlan laiin,
Lenna khua hmun loh vang maw sam ang then a tul leh si!

Lungrun kan tuanna tlang a dang ta si!
Min han ngai ve thin che maw?
Min han dawn ve thin che maw?
Mualhla kar dan atang hian kei zawng ka ngai em che!

Lenna khuahmun loh vangin tlang dang bel rih mah la ;
Ka thinlung ngaihtuahna chu i kiangah a awm!
I anka leh nui ri mawi , i sakhmel mawina te;
Enchimloh chhingmit mengmawi, thinlaiah a cham reng si!

Tawnloh kar hrui ang seiin, suihlunglen zual thin mahse;
Kan tiam biahthu rinawm kha thinlai ah vwngin,
Sakhmel tawn ni lenkawl ah a lo la her ngei ang
Dar ang intawn leh hma zawng dam takin aw , Mangtha le!


A hla i download duh chuan he tah hian a awm e!