Time Machine (Hun kal tawh leh lo la awm tur a zin kual na khawl) chung chang hi kan hre tawh thin ang a! Thawnthu bu leh film ah te pawh kan hmuh fo thin ka ring! Mahse, vawiin thleng hian tuman an la siam lo chu a ni a!

Ama'rawh chu , time travelling (hun a zinkual) hi chu thil theih a ni tih hi hre tlang ila!

Thlawhna speed chak tak (e.g. speed= 300000km/s, second 1 a 300000km vel kal hman , speed of light) nei ta ila; chu thlawhna chuan vam thengreng lam pan ta ila, lei a lo awm te ai khan thlawhna a chuanv te tan chuan hun a kal muang zawk dawn a ni! Entirnan, lei ah khan kum hnih li ral ta se, kan tan chuan ni 2 vel lek te a lo ni thei a ni!

He thil hi tuemaw ngaihruatna mai mai a ni lo va, Albert Einstein lo sawi lawk tawh a ni a, a dik zia pawh vawi tam tak prove tawh a ni!

A entirna a tan a hman lar tak pakhat chu ; a hma a ka sawi ang deuh khan passenger thlawhna pangngai ( a speed tam vak ni lo) ah sana an dah a, chutiang chiah chiah sana chu lei ah an dah bawk a! Hun enge maw chen a thlawh hnu chuan sana pahnih te chu an han en kawp leh a, lei a mi zawk chu a kal chak zawk tih an hre thei a ni! He an inthlauhna hi Einstein-a Theory of Relativity in a lo sawi lawk ang chiah chaih kha a ni bawk!

Hriat tur pawimawh chu he ta sana pahnih te hun inthlauhna hi an speed in thlauh dan ah a innghat a; thlawhna speed ah khan a innghat a nih chu! Passenger jet hi a tlang puiin 800km/hr a chakin an thlawk a, 300000km/s a chak in thlawk se la chuan an inthlauhna pawh tam tak a ni ang tihna a nih chu!

Mahse, vanduaithlak takin chutiang a chak thlawhna chu kan la siam thei lo chu a nih hi!