Zan dar 12:21 a ri tawh a, ka mutna thutthleng ( khum ah pawh ni lovin) ah chuan ka phone ka la khawih a! Ka tih dan than a nih avang leh chhun lamah ka chhin sek a vang chuan ka la harh tha ngang mai!

Ka phone ka khawih reng na a, ka rilru erawh hun kal ta lamah a vak kual vel a! 'Tun hma' han tih tur teh chiam nei lo mah ila, ka tleirawl hma deuh hun te kan ngaihtuah kir a! Hmanni lawk mah ni se la, ka ngai ngawih ngawih mai!

A aia thui deuh ka thlir kir zel a, Aizawl khawpui a kan awm ve lai, zirna lam a thrahnem ka ngaih em em lai te, thian kawm engah mah ka ngaih ngai loh lai te, ngaihzawng reng reng in rilru an luah ngai loh lai te kha! Khang hun erawh kha chu ka ngai lem lo niin ka hria!

Han sawi chiang law law ila; mi pangngai , thian ngaina thin tak, in a awm hman lo va leng reng mai, lehkha zir ngaihsak lem lo ka ni thin! Ama'rawh chu, ka zirna a ka tihthat beisei a ka Nu leh Pa ten Aizawl khawpui a min pem pui tak ah kha chuan keihmahah hian thahnem ngaihna a lo intuh chawp ve mai khan ka hria! Hma ka sawn reng bawk a!

Tumna sang tak nen ka hmalam ka pan! Pawl 12 ka passed meuh chuan, 'IIT ah ka zir dawn! Ka inbuatsaih ang a, coaching te Delhi ah ka kal ang a, ka tling ve hrim hrim ang! ' tiin min hmangaihtu, ka chhungte , a bik takin ka Putea te, ka Patea te ka ti buai a! Ama'rawh chu ka beidawn san leh si! Ka van chak lo tak em!

Sum tam tak sengin coaching te chu ka kal ngei ! Mahse , ka beidawn san a, ka khua ah ka let leh ta a! Aizawl ka awm hma , ka naupan chhiat lai a ka mizia ang tho chu nei leh in , thian ka ngaina leh ta a, ka nun chu ka chen ve leh ta !(ruihhlo leh sex lam ni lovin) ! Ka hlim a, ka zalen a, ka thawveng a, ka hrisel tha bawk! Chung hun chu a ni, ka ngaihem em chu ni!

Ka thiamna lo tlem tial tial in , thiam belh vak lo mah ila; ka hmalam hun tur chu thim tial tial angin lang mahse la; ka nun hlim tak a ka hman theih hi thil tha leh man hla ber a ni mai em tih te ka ngaihtuah chhuak rum rum a!

Ka chhungte chawmna tur khawp pawisa ka thawk chhuak thei a nih chuan lawm mai tur ka nia inhriatna a lian tial tial mai a! Ka tumna sang tak tak thin kha a hniam tial tial a; Scientist ropui nih tum thin khan Scientist nih kher a tulna ka hre ta mang lo!

Pathian lam ka en chuan , hmasawn zel tur ka nihna ka hmu si! Nun hi hlim tak a hmang chung si hian , thil ropui leh chhuanawm tak tak a tih theih tho a ni , tih hi ka tawpna a ni ta deuh ber mai !

Ho lam tak a nun hmang si, ngaihtuah na ril leh sang tak hmang chung si, chhungte leh thenawm khaw veng te tan a chhenfakawm a nun hi a theih tih ka ring a, ka hman duh dan ber pawh ni in ka hria!

Zan a han mut theih loh changte hi chuan rilru a vak zau va, ka ngaihtuah a ka vei leh duhthusam thil te, sawi chhuah thiam harsa tak tak si lo irh chhuah hun a ni a! Tlaivar thak thak a, suangtuahna vah kual tir hi ka ching thin!